E DESPOIS DA ROTACIÓN ... A TRASLACIÓN

Se a semana pasada vimos o movemento de rotación, hoxe chegoulle o turno ao movemento de TRASLACIÓN. Xa cando estudamos e investigamos sobre o Sistema Solar, vimos que todos os planetas xiraban arredor do Sol. Así que hoxe aprendimos que a Terra ao igual que os outros sete planetas, tamén xira arredor do Sol, que este movemento chámase TRASLACIÓN, que tarda nin máis nin menos que todo UN ANO en dar unha volta completa e que este movemento da lugar as catro estacións que son; PRIMAVERA, VERÁN, OUTONO e INVERNO.

Para entendelo un pouquiño mellor, a profe utilizou esta maqueta que nos axudou a facela, o adxunto de carpinteria ROCA e que nós pintamos:

E estoutra  na que dun xeito moi "visual" poidemos ver como se sucedían as estacións, na que tamén tivemos a axuda de ROCA. Que faríamos sin el!!!!!!!! je,je Moitísimas grazas, compañeiro.

fonte

Ainda que coa axuda das dúas maquetas, quedounos bastante clariño, quixemos reforzalo facendo esta ficha:

E este traballiño que atopamos AQUÍ:

E como non, visualizamos estes videos:

APRENDE CON PIPO: A TRASLACIÓN E AS ESTACIÓNS

DOKI DESCUBRE AS ESTACIÓNS

O BAILADO DA MAIS BELA BAILARINA

Neste mapa conceptual plasmamos todo o que aprendimos sobre os movementos da Terra:

E xa para rematar, todos os recursos que utilizamos e algún máiss podedes atopalos no noso blog do proxecto na pestana de MOVEMENTOS DA TERRA:

<

O SOL

Imaxe tomada do blog COLORÍN COLORETE

Onte empezamos a ver o Sistema Solar e como non empezamos ... POLO SOL. Buscamos nos libros do noso recuncho do espazo, e vimos que o Sol é unha gran estrela que está no centro do Sistema Solar, que dende a Terra a vemos de cor amarelo, que está feita de gas e que é moi importante porque nos proporciona luz e calor. De feito aprendimos que as estrelas son os únicos astros que emiten luz, que senón houbese Sol, non existiría vida no noso planeta e que o Sol sae todos os días polo Leste e ponse polo Oeste.

Fixemos esta ficha:

Investigando un pouquiño máis sobre o Sol, descubrimos que os homes antigos para saber que hora era, utilizaban reloxos solares así que decidimos facer o noso. Ao principio iamos facer un para poñer no chan. Pero cada hora teriamos que saír a fóra para ver como ía pasando o tempo e non o podiamos facer . Así que buscando, buscando, atopamos unha páxina onde se podían facer RELOXOS DE SOL VERTICALES PARA COLOCAR ... NAS VENTÁS DA CLASE. Queredes saber como o fixemos? Ollade, ollade:

FACEMOS UN RELOXO DE SOL

Polo de agora non vos podemos dicir se funciona ou non porque ... ESTES DÍAS NON VEMOS O SOL POR NINGUNHA PARTE!!!!!!!

No blog de Mar Gómez, MIL RECURSOS EDUCACIÓN INFANTIL atopamos este conto "SOY EL SOL":

E a Nasa, estes días publicou un incrible video onde podemos apreciar con toda claridade  UNHA ESPECTACULAR CHUVIA DE LUME SOBRE O SOL, e dicir, unha "chuvia coronal" que é un raro fenómeno no que o plasma eyectado durante unha erupción volve ao Sol:

E se o que queredes e "ver" o vento solar, clicade no PLAY:

E hoxe comezamos cos planetas, pero iso ... volo contaremos noutra entrada